എന്റെ ബ്ലോഗ്‌ വായനക്കാരായ എല്ലാവര്‍ക്കും ആദ്യം തന്നെ ഒരു നല്ല പുതുവര്‍ഷം ആശംസിക്കുന്നു ......
എന്റെ ഈ ബ്ലോഗ്‌ തുടങ്ങിയതിനു ശേഷം ഉള്ള ആദ്യത്തെ പുതുവര്‍ഷദിനം ആണ് പടിവാതിലില്‍ എത്തിനില്‍ക്കുന്നത്.അതിന്റേതായ ഒരു ചെറിയ ആകാംക്ഷ എനിക്കുണ്ട്.....പുതിയ ഈ വര്ഷം എന്റെ ജീവിതത്തിലും വായനക്കാരായ നിങ്ങളുടെ ജീവിതത്തിലും എന്തൊക്കെ മാറ്റങ്ങളാണ് വരുത്താന്‍ പോകുന്നതെന്ന് കണ്ടു തന്നെ അറിയണം....എന്നെ സംബന്ധിച്ചിടത്തോളം ഈ വര്ഷം എന്റെ ജീവിതത്തിലെ തന്നെ വളരെ പ്രധാനപ്പെട്ട ഒരു വര്‍ഷമാണ്‌.....ചിലപ്പോള്‍ എന്റെ ജീവിതം തന്നെ മാറിമറിഞ്ഞേക്കാവുന്ന ഒരു വര്ഷം....ഒട്ടേറെ പ്രതീക്ഷകളോടെ ആണ് ഞാന്‍ ഈ വരുന്ന വര്‍ഷത്തെ നോക്കികാണുന്നത്.ജീവിതത്തില്‍ എനിക്ക് ഒട്ടേറെ ദുരനുഭവങ്ങള്‍ സമ്മാനിച്ച വര്ഷം ആണ് കടന്നുപോയത്..ഇനി അങ്ങനെ ഒന്നും തന്നെ എന്റെ ജീവിതത്തില്‍ ഇല്ലാതിരിക്കാന്‍ ഞാന്‍ ഈശ്വരനോട് പ്രാര്‍ത്ഥിക്കുന്നു.....എന്നെപോലെ തന്നെ ചിലപ്പോള്‍ നിങ്ങള്‍ക്കും ഒരു വെറുക്കപ്പെട്ട ഒരു വര്ഷം ആയിരിക്കാം കടന്നുപോയത് ...എന്നിരുന്നാലും ശുഭപ്രതീക്ഷയോടുകൂടി നമുക്ക് എല്ലാവര്‍ക്കും ഈ പുത്തന്‍ വര്‍ഷത്തെ വരവേല്‍ക്കാം ......വീണ്ടും നിങ്ങള്‍ എല്ലാവര്‍ക്കും നല്ലൊരു പുതുവര്‍ഷം നേര്‍ന്നുകൊണ്ട് ഞാന്‍ എന്റെ ഈ വര്‍ഷത്തെ അവസാനത്തെ പോസ്റ്റ്‌ നിര്‍ത്തുകയാണ് .......എല്ലാവര്‍ക്കും എന്റെയും എന്റെ കുടുംബത്തിന്റെയും ഹൃദയംനിറഞ്ഞ ഊഷ്മളമായ ഒരു പുതുവര്‍ഷം ആശംസിക്കുന്നു.....

ഓര്‍മകള്‍ എന്നെ പലതും ചിന്തിപ്പിക്കുന്നു ......ഈ ചുരുങ്ങിയ കാലയളവില്‍ ഞാന്‍ എന്ത് നേടി എന്ന് എന്റെ മനസാക്ഷി എന്നോട് ചോദിച്ചപ്പോള്‍ പറയാന്‍ എനിക്കൊരുത്തരമേ ഉണ്ടായിരുന്നുള്ളൂ .......ജീവിതത്തിലെ പല സത്യങ്ങളും ഞാന്‍ അനുഭവിച്ചറിഞ്ഞു......അമ്മ എന്ന സത്യം.....അച്ഛന്‍ എന്ന സത്യം ....അധ്യാപകര്‍ എന്ന സത്യം .....കൂട്ടുകാര്‍ എന്ന സത്യം.....അങ്ങനെ ഒട്ടനവധി സത്യങ്ങള്‍ ........ഇതിനെല്ലാം ഞാന്‍ ഇപ്പോള്‍ ഈശ്വരനോട് നന്ദി പറയുന്നു .....കാരണം വേദനകളില്‍ താങ്ങാകാന്‍ അങ്ങ് എനിക്കൊരു അമ്മയെ തന്നു....കരുത്തുപകരാന്‍ അച്ഛനെയും ..........കൂടെ നില്ക്കാന്‍ നല്ല കൂട്ടുകാരെയും നീ എനിക്ക് തന്നു......
                                     ഞാന്‍ മുന്‍പൊക്കെ ആലോചിച്ചിരുന്നു ദൈവം എന്തിനാണ് മനുഷ്യര്‍ക്ക്‌ വേദനകളെ തരുന്നതെന്ന്....അങ്ങനെ ഞാന്‍ ഒരു നാള്‍ എന്റെ അമ്മൂമ്മ യോട് ചോദിച്ചപ്പോള്‍ അവര്‍ പറഞ്ഞു ....നാം ദൈവത്തിലേക്ക് കൂടുതല്‍ അടുക്കാന്‍ വേണ്ടിയാണു വേദനകളെ തരുന്നതെന്ന്.....അപ്പോള്‍ എനിക്ക് എനിക്ക് അത് മനസിലായില്ലെങ്കിലും ഇപ്പോള്‍ ഞാന്‍ മനസിലാക്കുന്നു .....ആരാണ് ദൈവങ്ങള്‍ എന്ന് ......നമ്മുടെ വേദനകളില്‍ ഒപ്പം നിന്നവര്‍....ആശ്വസിപ്പിച്ചവര്‍.....കരുത്തുപകര്‍ന്നവര്‍ .....അവരാണ് ശരിക്കും ദൈവങ്ങള്‍ .......വയറു വിശക്കുന്ന സമയത്ത് ആഹാരം നല്‍കുന്നത് ആരോ അവരാണ് ആ വിശക്കുന്ന വയറിനു ദൈവം.....അതുപോലെ ദൈവത്തിങ്കലേക് അടുക്കുക എന്നുള്ളത് പോലും മനുഷ്യനോട് അടുക്കുക എന്ന അര്‍ത്ഥത്തില്‍ പ്രായോഗിക്കപെട്ടിട്ടുള്ളതാണ്...........ആ സത്യം മനസിലാക്കുന്നതാരോ ആ വ്യക്തിയാണ് മനുഷ്യന്‍......
ഒരുപക്ഷെ നമുക്ക് മനസിലാക്കാന്‍ കഴിഞ്ഞ ഈ സത്യങ്ങള്‍ ഇതുവരെ അനുഭവിക്കാത്ത ഒരുപാടുപേരുണ്ടാകാം .......അവര്‍ ചിലപ്പോള്‍ നിങ്ങളുടെ ചുറ്റിലും ഉണ്ടാകാം ......അവര്‍ക്ക് താങ്ങാകാന്‍ ഒരു തണലാകാന്‍ നമുക്ക് കഴിയട്ടെ ...അവരുടെ വാക്കുകള്‍ക്ക് ചെവികൊടുക്കാന്‍ നമുക്ക് കഴിയട്ടെ ......ചിലപ്പോള്‍ അവരുടെ പുഞ്ചിരി നിങ്ങള്‍ക്ക് വിലകൊടുത്തു വാങ്ങാന്‍ കഴിയുന്ന ഏതൊരു അമൂല്യ വസ്തുവിനെക്കാളും നിങ്ങള്‍ക്ക് സന്തോഷം പകര്‍ന്നേക്കാം ......ഇത് വെറും കഥയല്ല......സത്യം ..........ഞാന്‍ എന്റെ ജീവിതത്തില്‍ നേരിട്ടനുഭവിച്ച സത്യം.......

ഏകാന്തത ....................സാധാരണ എല്ലാവര്‍ക്കും വിഷമം നല്‍കുന്ന ഒരു അവസ്ഥയാണ് . പക്ഷെ എന്നെപ്പോലെ ചിലര്‍ക്ക് അത് വളരെ നല്ലൊരു സമയമായാണ് തോന്നാറുള്ളത് . ആ സമയത്തായിരിക്കും നാം നമ്മെ പറ്റി  ഏറ്റവും കൂടുതല്‍ കൂടുതല്‍ ചിന്തിക്കുക . ഞാന്‍ എവിടെയോ വായിച്ചിട്ടുണ്ട് ആസ്വദിക്കാന്‍ കഴിയുമെങ്കില്‍ ഏകാന്തതയാണ് ഏറ്റവും സുന്ദരമായ  അവസ്ഥയെന്ന് .

എന്നോട് പലരും ചോദിക്കാറുണ്ട് നീ എന്താ ഇങ്ങനെ എന്ന്.....അതിനുള്ള ഉത്തരം എനിക്കറിയില്ല എന്നതാണ് സത്യം . ചിലപ്പോള്‍ ഈ ഏകാന്തതയാകും അതിനുള്ള കാരണം . ചില സമയത്ത് ചിന്തകള്‍ എന്നെ വല്ലാതെ വേട്ടയാടുമ്പോഴാണ്‌ ഞാന്‍ എന്റെ ഭാവനകളെ കടലാസുകളിലേക്ക് പകര്‍ത്താറുള്ളത്  . എല്ലാവര്‍ക്കും ഏകാന്തനിമിഷങ്ങള്‍  വളരെയധികം മനസ്സിനെ   വിഷമങ്ങള്‍ അലട്ടുന്ന സമയമാണ്........എങ്കിലും ഞാന്‍ ആ നിമിഷങ്ങളെ ഇഷ്ട്ടപ്പെടുന്നു........കാരണം എന്റെ ഭാവനകള്‍ക്ക് ചിറകുവയ്ക്കുന്ന സമയത്തെ ഞാന്‍ എന്തിനു വെറുക്കണം?......

എല്ലാവര്ക്കും എന്റെ നമസ്കാരം ,
 ഞാന്‍ പറഞ്ഞിട്ടുണ്ടല്ലോ എനിക്ക് ബഹിരാകാശ ശാസ്ത്രഞ്ജയാവാന്‍ വളരെയധികം ഇഷ്ടം ആണെന്ന്.
അതുകൊണ്ട് തന്നെ എനിക്ക് സ്പേസ് ഉം ആയി ബന്ധപ്പെട്ട എല്ലാ ടോപിക്കുകളും വളരെ ഇഷ്ടമാണ്.കുറച്ച് നാളായി ഞാന്‍ അതിന്റെ പിന്നില്‍ ആയിരുന്നു.എല്ലാ വലിയ ശാസ്ത്രജ്ഞന്‍മാരും നടത്തുന്ന പോലെ ഭയങ്കര വലിയ റിസര്‍ച്ച് ഒന്നും അല്ല ഞാന്‍ നടത്തിയത്.ഗൂഗിള്‍ വഴി കിട്ടിയ പല അറിവുകളും കോര്‍ത്തിണക്കിയതാണ് എന്റെ റിസര്‍ച്ച്.എന്റെ റിസര്‍ച്ച് ലെ എന്റെ തിയറീസ് ഞാന്‍ ഇന്നത്തെ പോസ്റ്റ്‌ നോടൊപ്പം ഇടുന്നു.സംഭവം നല്ല കോമഡി ആയത് കൊണ്ട് നിങ്ങള്‍ക്കും വായിച്ച് ചിരിക്കാം.....

എനിക്ക് വളരെ അധികം കൂട്ടുകാര്‍ ഉണ്ട്.ഒരിക്കല്‍ ക്ലാസ്സില്‍ എന്തോ സംസാരിച്ചുകൊണ്ടിരുന്നപ്പോള്‍ അവര്‍ എന്നോട് ചോദിച്ചു നമ്മള്‍ ഒക്കെ വലുതായാല്‍ എല്ലാ കൂട്ടുകാരെയും ഓര്‍ത്തിരിക്കുമോയെന്നു............അപ്പോള്‍ ഞാന്‍ പറഞ്ഞു നിങ്ങള്‍ ആരെയൊക്കെ മറന്നാലും എന്നെ മാത്രം  മറക്കില്ലെന്ന് .....ഇപ്പോഴും എനിക്കറിയില്ല ഞാന്‍ എന്തുകൊണ്ടാണ് അങ്ങനെ പറഞ്ഞതെന്ന് ....എന്തോ അപ്പോള്‍ എന്റെ മനസ്സില്‍ അങ്ങനെ തോന്നി.......
എനിക്കിപ്പോള്‍ 16 വയസ്സാണ് പ്രായം......പക്ഷെ ഞാന്‍ എന്റെ ജീവിതത്തില്‍ കുറെയേറെ അനുഭവങ്ങള്‍ ഇപ്പോള്‍ തന്നെ സ്വായക്തമാക്കിക്കഴിഞ്ഞു . ഞാന്‍ എന്റെ ജീവിതത്തില്‍ അനുഭവിച്ച പല വേദനകളും ഈ പ്രായത്തില്‍ ഒരു കുട്ടിക്ക് സഹിക്കാന്‍ കഴിയുന്നതാണോ എന്ന് എനിക്കറിയില്ല.പക്ഷെ എനിക്ക് ഒന്ന് മാത്രം അറിയാം ജീവിതത്തില്‍ മുന്നേറാന്‍ വിദ്യാഭ്യാസത്തിനു വളരെയധികം പങ്ക് ഉണ്ടെന്നു.......
ഒരു പക്ഷെ എന്നെ ഈ വേദനകള്‍ ഒക്കെ മറക്കാന്‍ സഹായിച്ചതും വിദ്യാഭ്യാസം ആണെന്ന് വേണമെങ്കില്‍ പറയാം .........എന്റെ ഇഷ്ടപ്പെട്ട വിഷയം ഫിസിക്സ്‌ ആണ് ........എന്താണ് അതിനോടിത്ര താല്പര്യം എന്ന് ചോദിച്ചാല്‍ എനിക്കറിയില്ല .....എന്റെ ചെറുപ്പത്തില്‍ എന്റെ അപ്പ എനിക്ക് രാത്രിയില്‍ ആകാശത്തേക്ക് ചൂണ്ടിക്കാട്ടി ഒരുപാട് നക്ഷത്രങ്ങളെ കാണിച്ചു തരുമായിരുന്നു ......അങ്ങനെയാണ് എനിക്ക് വാനനിരീക്ഷകയാകുക എന്ന ആഗ്രഹം തന്നെ ജനിച്ചത്.......എന്റെ മനസ്സില്‍ ഇപ്പോഴും ഞാന്‍ കരുതുന്ന കാര്യമുണ്ട് ........ഈ പ്രപഞ്ചത്തില്‍ എനിക്ക്  കണ്ടെത്താനായി അല്ലെങ്കില്‍ ഞാന്‍ മൂലം ചെയ്യപ്പെടാനായി എന്തോ ഉണ്ടെന്നു ........ആ വിശ്വാസം ആണ് എന്നും എന്റെ ജീവിതത്തില്‍ വെളിച്ചം പകരുന്നത് .....
ഈ വിശ്വാസം നല്ലതിനായി നമ്മുടെ എല്ലാവരുടെയും ഉള്ളില്‍ ഉണ്ടെങ്കില്‍ ഭൂമിയെ ഒരു സ്വര്‍ഗമാക്കാന്‍ നിഷ്പ്രയാസം സാധിക്കും......ഈ പ്രപഞ്ചത്തെ തന്നെ കൈപിടിയില്‍ ഒതുക്കാന്‍ ഈ വിശ്വാസം നമ്മെ എല്ലാവരെയും സാധിക്കും ..... ദൈവം എന്ന് പറയുന്നത് ഈ നന്മയുടെ വെളിച്ചമാണ്......ഈ വെളിച്ചം ലോകമെങ്ങും പടര്‍ത്താന്‍ നമുക്കാകട്ടെ എന്ന് ഞാന്‍ പ്രത്യാശിക്കുന്നു .....

നിങ്ങള്‍ക്ക് തോന്നിയിടുണ്ടാകും ഞാന്‍ എന്തുകൊണ്ടാണ് മലയാളത്തില്‍ പോസ്റ്റുകള്‍ ഇടുന്നതെന്ന് ....അതിനു കാരണം മറ്റൊന്നുമല്ല .ഞാന്‍ ഒരു മലയാളി ആണ്.ഒരു കേട്ടുകേള്‍വി ഉണ്ട് -നമ്മുടെ വാക്കുകള്‍ ഏറ്റവും ശക്തമാകുക നമ്മുടെ മാതൃഭാഷയില്‍ ആണെന്ന് .അതുകൊണ്ടാണ് ഞാന്‍ മലയാളം തിരഞ്ഞെടുത്തത്.
ഇന്നലെ എന്നെ സംബന്ധിച്ചിടത്തോളം വളരെ പ്രാധാന്യമുള്ള ദിവസമായിരുന്നു.കാരം ഇന്നലെ ഇന്ത്യയിലെ മുന്‍ രാഷ്ട്രപതി ഡോക്ടര്‍ എ.പി.ജെ അബ്ദുള്‍ കലാം മരിച്ചിട്ട് ഒരു വര്ഷം തികഞ്ഞത് .
അദ്ദേഹത്തിന്റെ വാക്കുകള്‍ എന്റെ ജീവിതത്തെ വളരെയധികം സ്വാധീനിച്ചിട്ടുണ്ട് .
ഞാന്‍ ജീവിതത്തില്‍ നേരില്‍ കാണണം എന്ന് ആഗ്രഹിച്ചിട്ടുള്ള ചുരുക്കം ചില വ്യക്തികളില്‍ ഒരാളായിരുന്നു അദ്ദേഹം.പക്ഷെ എനിക്ക് അദ്ധേഹത്തെ കാണാന്‍ അവസരം ലഭിച്ചില്ല.പിന്നെ എനികേറ്റവും  കൂടുതല്‍ കാണാന്‍ ആഗ്രഹം ഉള്ള വ്യക്തി തിയറെറ്റിക്കല്‍ ശാസ്ത്രഞ്ജനായ STEPHEN HAWKING നെ ആണ്.
പക്ഷെ അതും നടക്കുമോന്ന് അറിയില്ല.
എന്റെ ആഗ്രഹം ഇപ്പോള്‍ പലതാണ്.ഒന്ന് ഒരു നല്ല ബഹിരാകാശ ശാസ്ത്രജ്ഞ ആകുക .മറ്റൊന്ന് നല്ലൊരു കമ്പ്യൂട്ടര്‍ പ്രോഗ്രാമ്മര്‍ ആകുക.അതും അല്ലെങ്കില്‍ നല്ലൊരു ഷെഫ് ആകുക.ഇതിലാരൊക്കെ ആയാലും അതിലുപരി നല്ലൊരു മനുഷ്യനാകുവാനാണ് എനിക്കിഷ്ടം.
എന്തായാലും കാലം തീരുമാനിക്കട്ടെ ഞാന്‍ എന്താകണമെന്നു.ഞാന്‍ നന്നായി അധ്വാനിക്കാന്‍ തയ്യാറാണ്.എന്താകും ഞാന്‍ എന്ന് വഴിയെ അറിയാം................

ഇതാണ് സമയം .....
നാം വിചാരിക്കുമ്പോള്‍ നില്ക്കാതെ  എപ്പോഴും ഓടികൊണ്ടിരിക്കും .....
എന്തുചെയ്യാം???
ഒരു ടൈം മെഷീന്‍  ഉണ്ടാക്കിയാലോ???
നമ്മുടെ പഴയ കാലത്തിലേക്കു തിരിച്ചു പോയാല്‍  എന്ത് നന്നായിരുന്നു...
വിഷമയമല്ലാത്ത പച്ചക്കറികള്‍  കൊണ്ട് ഭക്ഷണം കഴിച്ചിരുന്ന കാലം...നല്ല ശുദ്ധമായ വായു ശ്വസിച്ചിരുന്ന കാലം....
സമയത്തെ നിയന്ത്രിക്കാന്‍  നമുക്ക് കഴിഞ്ഞ അതായിരിക്കും ഏറ്റവും വലിയ കണ്ടുപിടിത്തം ...😃
ആരായിരിക്കും ആ കണ്ടുപിടിത്തം നടത്തം പോകുന്നത് ആവോ....
എന്തായാലും ആ കണ്ടെത്തല്‍  നടത്താന്‍  പോകുന്ന വ്യക്തിക്ക് ഞാന്‍  എന്റെ ആശംസകള്‍ നേരുന്നു...

ഹലോ കൂട്ടുകാരേ ,

  എന്‍റെ പേര് ജീന ജോണ്‍  ....ഇത് എന്‍റെ ആദ്യത്തെ ബ്ലോഗ്‌ ആണ്.ഞാന്‍  ഒരു ബ്ലോഗ്‌ എഴുത്തുകാരി ഒന്നും അല്ല . എങ്കിലും എന്‍റെ ചില ആശയങ്ങളും എന്‍റെ  ചെറിയ ചില ആക്ടിവിടികളും ഞാന്‍  ഇതിലൂടെ പങ്ക്കുവയ്കുന്നു .
ഇന്ന എന്ന സുറിയാനി പദത്തിന്‍റെ അര്‍ഥം   ഞാന്‍  എന്നുള്ളതും കൂടി ഞാന്‍  ഇവിടെ വ്യക്തമാക്കുന്നു .  എന്‍റെ ഈ ബ്ലോഗ്‌ എല്ലാവരും ആസ്വദിക്കും എന്ന് പ്രതീക്ഷിക്കുന്നു .


                                                                                             -  ജീന ജോണ്‍